субота, 02. јун 2012.

Слово



Стєфань дєспоть
сладьчаишомȢ и любьзьнѣишомȢ
и срьдьца моѥго нєѿлȢчьномȢ
и мнѡго сȢгȢбо вьждєлєномȢ
и вь прѣмȢдрости обильномȢ
царьствиⱶɑ моѥго искрьнємȢ
имє рєкь
ѡ Господи любьзьноѥ цѣлованиѥ
вькȢпѣ жє и милости нашєѥ
нєоскȢдьноѥ дарованиѥ

Лѣто и вѣснȢ Господь сьзда
ⱶɑкожє и пѣвьць рєчє
вь нихь жє и красоти мьногиѥ
птицамь скороѥ и вєсєлиⱶɑ испльнь прѣлѣтаниѥ
и горамь врьхы и лȢговомь пространства
и польскиыє широты и вьздȢха тьнькаго
дивьними нѣкими гласи оглашєниѥ
єжє цвѣтовь єжє благооуханаⱶɑ и злаконосноѥ
нь и самаго чьловѣчьскаго єстьства
обновлєниѥ и вьзиграниѥ
достоино кьто исповѣсть;

Ѻбачє вьса сиⱶɑ
И инаⱶɑ чюдодѣлиⱶɑ Божиⱶɑ
ⱶɑжє ни острозритєльныи оумь
сьзрьцовати нє довлѣѥть
любовь прѣвьсходить
и нє чюдо
Богь бо любовь имєнȢѥтьсє
ⱶɑкожє рєчє Iѡаннь громовь

Вьсакаⱶɑ льжа вьмѣщєниⱶɑ вь любьви нє имаать
Kаинь бо тȢждии любьвє рєчє Aвєлю
изидєвѣ оу полѥ

Ѻстро нѣкако и бистротєчьно
дѣло любьвє
вьсакȢ добродѣтєль прєити могȢщє

Лѣпотьнѣ давїдь сию оукрашаѥть
ⱶɑко мѵро рєчє на главы
на брадȢ сьходєщє Aроню
и ⱶɑко роса аєрмоньскаⱶɑ
сьходєщиⱶɑ на горы сїѡньскыѥ

Юношє и дѣвы
кь любьвамь прикладьны
любовь вьзлюбитє
нь правѣ и нєзазорьнѣ
да нє нѣкако юнотьство и дѣвьство поврѣдивьшє
давїдь да рєчєть
горы гєлвȢиискыє да нє сьниждєть на вась
ни жє дьждь ни жє роса
ⱶɑко Саѵла и Iѡнаѳана нє сьхранистє
ѡ бєзлобиⱶɑ Давїдова
слышитє цариѥ слышитє
Саѵла ли плачєши обрѣтєни
обрѣтохь бо рєчє Богь Давїда
мȢжа по срьдьцȢ моѥмȢ

Бѣхомь вькȢпѣ
и дрȢгь дрȢга близь
нь ащє горы ащє рѣкы
расцѣпишє нась

Вѣтри жє да приразєть сє рѣкамь
и да изьсѣкьнȢть
ⱶɑкожє при Мѡѵсєи морє
ⱶɑкожє при IисȢсѣ сȢдѣи
кѵвѡта ради Iѻрдань

Єщє да сьвькȢпимь сє
єщє да Ȣзримь сє
єщє любовьнѣ да сьєдинимь сє
ѻ томь самомь Хрїстѣ Боѕѣ нашємь
ємȢжє слава сь ѿцємь
и сь свєтимь дȢхомь
вь бєсконьчьныє вѣкы
аминь:

Нема коментара:

Постави коментар